EN CANDEÁN CO GALEGO... A FUME DE CAROZO!
5/16/2023
4/26/2023
MOVÉNDONOS CARA O CAMBIO
Actividade de convivenvia co alumnado de 6º dos colexios adscritos ao IES Carlos Casares. Coa finalidade de irnos coñecendo antes do cambio de etapa.
Esta primeira xornada piloto, levounos ata o CEIP Chans Bembrive, que fixeron de anfitrións.
Ao chegar, o primeiro que fixemos foi dividirnos en catro grupos, cos nomes das provincias galegas. Fixeron uns xogos de presentación e logo saíron a merendar e xogar no parque ao lado da escola.
Despois deste tempo de lecer, comezamos a camiñar hacia o roteiro do río Eifonso, unha ruta bonitísima con fervenza e muíños incluídos.
Xantamos no torreiro de Bembrive e xogamos ata que chegou a hora de voltar á escola.
4/18/2023
O CAN DE ANINA
O pasado mes de Marzo, Anina enviou unha mensaxe ao alumnado do colexio Candeán.
Adoptou un canciño na canceira municipal da Madroa e será a nova mascota da lingua galega da escola.
Pediu aos nenos e nenas que escollesen un nome en galego e facer así, un concurso.
O nome gañador será o da nova mascota, pero tamén se usará como título do blog da lingua galega.
Foron moitos os cans recibidos, a eleción foi moi difícil. Cada grupo elixiu os seus nomes favoritos, tres por aula.
2/24/2023
ENTROIDO 2023
O MECO MANDA
Martes
Este curso o Meco levou a figura dun teléfono móbil. Sabemos que a tecnoloxía está para axudar e facer o traballo máis sinxelo, pero tamén debemos saber usala con sentidiño.
De ahí que o noso Meco, relacionado co proxecto de centro, dos medios de comunicación, dera moito xogo a increpalo e acusalo, de non ser tan bo como pretende.
Cada grupo clase escribiu unhas coplas e acusacións ao Meco. Primeiro foron pegadas no cartaz do retrouso.
Despois, o día da festa, foron recitadas, xunto co retrouso, para poder queimar o Meco.