2/27/2018

ACUSACIÓNS AO MECO!!



XUÍZO AO MECO



Bos días nenas e nenos, mestras e mestres, nais e pais e todos os demais.

Despois do pasarúas e de comer lambetadas estamos dispostos para ao meco xulgar .

Acúsote meco

por non coidar o noso planeta

porque a este ritmo vai ser unha desfeita.



Acúsote meco

polo quecemento global

que vai provocar unha destrución total.



Acúsote meco

polo lume en Galiza

fixo que todo se cubrira de cinza.



Os nosos bosques quedaron desfeitos

e moitas familias sen teito

animais mortos e outros famentos.



Acúsote meco

que en Galicia duraron moitos días.



Acúsote meco

polos bombardeos,

a humanidade sen empatía iso é moi feo!



Tamen polas guerras

nas que os nenos levan metralletas.


Acúsote meco

pola explotación forestal

a ese paso, o planeta va moi mal.

Acúsote meco,

porque estamos fartos dos terremotos

que arrasan todo ao seu paso.



Acusote meco

polos furacáns

destrozan e arrollan as casas dos cidadáns



Acúsote meco

por tanto tsunami

en Xapón, Tailandia e Atami.

pola contaminación

que afecta ao planeta sen compaixón.



Acúsote meco

polas sequías



Acusote meco

pola emigración

fai que haxa explotación, que morra moita xente,

é unha exterminación!



Acúsote meco

por tantos atentados

entre bomba e bomba estamos asustados.



Xa para rematar

a sentenza imos dar Meco Lacazán

que a terra non queres coidar

Queimámoste xa! para a festa rematar.



2/20/2018

ENTROIDO: O MECO ES AS SÚAS ORDES



Ciclo do entroido

O ciclo do entroido é o período de tempo relacionado coa festividade do entroido Non ten datas fixas, ó depender da Pascua e a Coresma.
O martes de entroido adoita coincidir en febreiro ou nos primeiros días de marzo, pero as celebracións relacionadas poden comezar xa en xaneiro. É o que se coñece como ciclo do entroido e que ten nas diferentes vilas de Galiza distintas extensións. Polo xeral tomouse como referencia o entroido de Xinzo como o máis longo, se ben a súa distribución en cinco semanas é común a boa parte das comarcas centrais ourensás, como Maceda, Laza ou Verín ou Vilariño de Conso
Estas son, por orde, as súas principais datas en Galicia
·         domingo fareleiro.
·         domingo oleiro.
·         xoves de compadres (para os homes)
·         domingo corredoiro 
·         o xoves de comadres (para as mulleres).
·         domingo, o luns e mais o martes de entroido son os tres días grandes desta festividade. Neles fanse as grandes esmorgas, os desfiles de máscaras polas rúas ou polas corredoiras e os bailes de disfraces.
·         mércores de cinza é cando se celebra o enterro da sardiña. Noutras localidades prodúcese a queima do MECO e con el remata o entroido.

Triángulo do entroido
Chámase triángulo do entroido ó que forman as localidades de Laza, Verín e Xinzo de Limia, na provincia de Ourense e estes últimos teñen o recoñecemento de Festa de Interese Turístico Nacional. As principais diferencias son:
·         As pantallas de Xinzo de Limia, levan un cinto de campanillas que rodean a cintura e golpean á xente con vexigas de vaca secas e infladas.
·         Os cigarróns de Verín levan unha máscara de madeira, no traxe colgados uns pequenos cencerros (chocas) e na man unha fusta chamada zamarra.
·         Os peliqueiros de Laza son moi similares aos cigarróns e tamén levan chocas e fusta.
Ademais destes tres destacan: os felos de Maceda, as tamborradas de Viana, os boteiros de Vilariño de Conso, as charrúas de Allariz e outros moitos.
O Meco

O Meco é una figura que se fai nas festas do entroido e que ten motivos satíricos relacionados coa actualidade da vila ou cidade. O mércores de cinza quéimase e dase por finalizado o entroido. Para elo realízase unha procesión na que todos os asistentes van ó acto de luto riguroso en sinal de dor e que terminará coa queima do meco.